«Пӗтӗм чӑваш диктанчӗ − 2022»

Чӑваш чӗлхин пӗлтерӗшне, сумӗпе хисепне ӳстерес тесе ака уйӑхӗн 25-мӗшӗнче Нурӑс шкулӗ те «Пӗтӗм чӑваш диктанчӗ − 2022» акцине хутшӑнчӗ. Малтанах чăваш чĕлхи учителĕсем Терентьева Людмила Михайловна тата Петрова Дина Георгиевна вĕренекенсене чăваш чĕлхи кунĕ ячĕпе саламларĕç, чăвашлăх туйăмне, хамăрăн çепĕç те тĕлĕнмелле пуян чĕлхемĕре, йăла-йĕркене тытса пыма сĕнчĕç. Чăваш диктантне çырма 7, 8, 10 класра вĕренекенсем кăмăл турĕç.

Диктант çырма Константин Петровăн «Уçлăхра – икĕ космонавт» текста суйласа илнĕ. Текст интереслĕ, вĕренекенсемшĕн усăллă пулчĕ. Вĕсем Андриян Николаев космонавт пирки çĕннине пĕлме пултарчĕç.